YES 24 Global طريقة الشراء من
السلام عليكم ورحمة الله وبركاته
اليوم موضوعنا عن الشراء من موقع YES 24 Global طبعاً جميع الالبومات في الموقع تنحسب في المخططات ودا اهم شي لدعم فرقتك
اول شي طبعاً يعني ندخل الموقع
تاني شي نسوي حساب لنفسنا و تعبو بياناتكم زي الصورة
بعدين تجيكي رسالة تفعيل تانية على ايميلكم و مبروك عليكم حسابكم دحين جينا لأمتع شي إنك تبحثي عن الاشياء اللي تبغيها
عن طريق محرك بحث الموقع او الفئات
بعد ماتلاقي المنتج اللي تبغيه اقرأي كل التفاصيل و انتبهي اذا كان في خيارات او شي و بعدين تضيفيه للسلة
طبعاً حتروحي سلتك عشات تشوفي اغراضك و إذا تبغي تحذفي شي او تزيدي شي
بعد ماتروحي لصفحة الدفع هناك حتكتبي عنوانك و تختاري طريقة الدفع بما إنو الموقع ماعندو خيارات كتير للدفع و ماتقدري عن طريق البطاقة مباشرة فمالك غير البايبال الطريقة الآمنه الوحيدة
بعد ماتكتبي العنوان ( حطيت الطريقة اللي اكتب انا بيها العنوان و الحمدلله دايماً توصلني شحناتي ) باقيلك الدفع اختاري البايبال و حتنتقلي لصفحة البايبال
دائما و ابداً ادفعي بعملة البلد اللي حتشتري منها ازا حتدفعي بالبايبال
عشان لاتدفعي قيمة تحويل العملة و يزيد عليكي المبلغ
طبعاً حطيتلك كيف تسوي كدا
صح الفرق هنا مو مره كبير بس ليش تدفعي شي زايد
مبروووك عليكي طلبك طبعاً حيرسلولك بتفاصيل طلبك ع الايميل
و بس ان شاءالله تكونو استفدتو و الشرح كان سهل
See You soon lovelies ..!
0 comments