رحلة طلب اول دمية [ بي.جي.دي] شخصياً
السلام عليكم و رحمة الله وبركاته
الموضوع دا حيكون عن متابعة طلب اول دمية ولد ليا و دي كمان اول مره اطلب دمية بنفسي شخصياً.. 😆
و راح اكتب طريقة الطلب خطوة بخطوة في موضوع تاني اما هنا راح اكتب مجرد رؤوس اقلام يعني من اي شركة و من اي موقع وكدا..
الدمية كانت من شركة Loongsoul الصينية ، ليش اخترت الشركة دي؟؟ 🤔
مافي سبب معين انا كنت مخططة اني اشتري دمية ولد من سنتين بعد مااشتريت اخر بنت اللي هيا "اليس" اساساً كنت ناوية تكون اول دمية ليا في الحياة ولد بس مدري ايش اللي خلاني اشتري بنات في البداية 😂، المهم كنت قاعدة اتصفح الدمى و المواقع زي دايماً و شيكت اول شي على موقع Soom اشوفهم وفرو دمية Dia تان او لا و للاسف مانزلوها مع اني كنت مجمعه ليها فـيأست 😔، منها و قعدت اتصفح المواقع و شفت الحب اللي فوق دا Pharaur ووقعت في حبو من اول نظره دا كلو كان في يناير ( January ) طبعاً مو اول ماشفتو اشتريتو على طول اخدت شهر عبال اقرر.
طيب اول خطوة دورت على معلومات عن الشركة زي كم المدة اللي حتاخدها عبال تصنع الدمية مثلاً و هنا كانت الطامة الفترة كانت من ٤-٦ شهور جاني احباط و كيف ح استنى وكدا فقلت ادور على دمية تانية تكون المدة حقتها اقل و لقيت طبعاً و في بعضها كانت متوفرة للشحن بس قلبي مع Pharaur قروشت امي و اخواتي كل يوم اسألهم انو ايش رايهم وكدا قالولي على كيفك 🙄 << استفدت صراحة ههههه، ف قولت خلاص هوا هوا ماراح اشتري غيرو .
رحت للخطوة التانية اللي هيا اسوي بحث عميق عن الشركة و اشوف صور لدمى نفس الشركة من ممتلكي الدمى كيف ثبات الوضعيات للدمية و شكلها ع الطبيعة ، طبعاً قعدت اشوف كل ريڤيو موجود للشركة و كل فيديوهات اليوتيوب المتعلق بمنتجات الشركة هووس يالطيف دا ولسا ماطلبتو حسيت ح اشتري بيت ولا سيارة مو دمية 😂 .
الخطوة ماقبل الاخيرة ادور من فين اشتريه اما عن طريق موقع الشركة او عن طريق المواقع المجمعة ( Dealer ) الموثوقة طبعاً و اخترت اني اشتريه عن طريق المواقع المجمعة لأنو موقع الشركة الاصلي ملخبط و موحاطين الاسعار كويس فخفت.
وقع اختياري على موقع Alice's Collections بعد ما دورت و بحثت و تأكدت انو موثوق
الخطوة الاخيرة هيا عملية الشراء ..
اخترت الدمية حقتي و نوع بشرتها و إزا كنت ابغاها بـ (فيس اب / ميك اب ) و اخترت ملابس و شعر و جزمة وانتو بكرامة و نضارة و عيون و كل شي ههههههه
الدفع كان عن طريق الباي بال و كان سهل جداً و الشحن كان مجاني لأنو مجموع الإكسسوارات عدا ١٠٠ دولار و دا كان يوم ٩ فبراير (February ).
دي كانت طلباتي كلها ..
و بدأ الإنتظار اللعين لمدة مابين ٤ لـ ٦ شهور
الموضوع حيتحدث لما توصلني تحديثات للدمية إن شاءالله
Written in March 19th 2017
Sun 2:58 AM
By: Rannojhe
تحديث ١
* نسيت احط تحديث كان بتاريخ 2017-02-23 كنت بسأل عن حال الطلب و قالولي انو ارسلو طلب الدمية عشان يضمنو اقصر وقت للتصنيع و التجهيز وكدا، و إنو في طلبات كتير ع الشركة عشان كدا مدة الإنتظار تكون من ٤ - ٥ شهور 😔
Edited in April 12th 2017 =P
Sun 4:46 AM
By: Rannojhe
تحديث ٢
* ارسلتلهم بتاريخ ١٣ / ٤ /٢٠١٧ عن اخر التحديثات بخصوص طلبي للأسف قالولي انو الشركة لسا بتشتغل على طلبات ديسمبر و مابدأت في طلبات فبراير و حيحتاجو من شهرين إلى تلاتة شهور زيادة 😔
Edited in May 11th 2017 =P
Thu 12:24 AM
By: Rannojhe
تحديث ٣
* ارسلتلهم بتاريخ ٢١ / ٥ /٢٠١٧ لأني طلبت باروكات زيادة فحبيت اطلب منهم انو يحطوها في شحنة وحدة مع الدمية يسير يوصلو مع بعض و مره وحده سألتهم عنها انو قد ايش باقيلها وكدا و قاللولي حيتواصلو مع الشركة و يبلغوني
ارسلولي بتاريخ ٢٦ / ٥ / ٢٠١٧ وكان ردهم جميييل جداً إنو باقي تقريباً شهر وتكون جاهزة 😍😍 يعني يمكن في جولاي تكون جاهزه للشحن يااارب توصل قبل جولاي كمان 😍😍😍😍
ارسلولي بتاريخ ٢٦ / ٥ / ٢٠١٧ وكان ردهم جميييل جداً إنو باقي تقريباً شهر وتكون جاهزة 😍😍 يعني يمكن في جولاي تكون جاهزه للشحن يااارب توصل قبل جولاي كمان 😍😍😍😍
Edited in May 31th 2017
WED 7:45 AM
By: Rannojhe
تحديث ٤
* اليوم الثلاثاء راسلتهم عن عروستي الجميلة و قالولي انها انشحنت خلاص و حيعطوني رقم التتبع اليوم او بكرا اخيييييراً حتوصلني بعد ٥ شهور وشي 😍😍
Edited in July 11th 2017
TUE 6:25 PM
By: Rannojhe
تحديث ٥
* اليوم ١٤ جولاي وصل ولدي السعودية و حالياً في الجمارك اللي في المطاار يارب مايطوول 😍😍
Edited in July 14th 2017
FRI 11:26 PM
By: Rannojhe
* كانت الكارثة يوم ١٦ جولاي الجمارك صادرت دميتي الجميلة و مرمطو اهل اهلي 😭😭 لا هما اللي رضيو يدخلوها و لا هما اللي رضيو يرجعوها للمصدر قعدت عندهم الين ٢١ اغسطس اكتر من شهر و هما يدرسوا حالتها على ايش مو دارية 😤😤 يا تعطوني هيا ياترجعوها جلطووووووني و كان قرارهم انهم يرجعوها للمصدر ووصلتهم يوم ٢٦ اغسطس .
* بعد مارجعت كلمت الموقع انهم يرجعوا يشحنوها تاني على شركة غير ارامكس الحقيرة 😡😡 طبعاً كنت على تواصل مع الموقع طول الشهر اللي انحجزت فيه الدمية طفشتهم و انا اسأالهم و اقلهم مادخلوها لكن ساعدوني جداً جداً حتى لما رجعت شحنتها عرضوا انو يدفعوا نص مبلغ الشحن 😍.
* شحنت دميتي عن طريق DHL و طلبت من الموقع انو يلبس دميتي بالملابس اللي اشتريتها ووافقوا، انشحنت دميتي تاني عن طريق DHL و اخدت تقريباً اسبوع و وصلتني بسلام ولله الحمد يوم ١٩ سبتمبر 😆😍 صح كان في اضرار في وجه دميتي لكن الحمدلله مو مره واضحة 😍😍 .
و انتهت اول رحلة لطلب دمية بنفسي 😎
تحديث ٦
* كانت الكارثة يوم ١٦ جولاي الجمارك صادرت دميتي الجميلة و مرمطو اهل اهلي 😭😭 لا هما اللي رضيو يدخلوها و لا هما اللي رضيو يرجعوها للمصدر قعدت عندهم الين ٢١ اغسطس اكتر من شهر و هما يدرسوا حالتها على ايش مو دارية 😤😤 يا تعطوني هيا ياترجعوها جلطووووووني و كان قرارهم انهم يرجعوها للمصدر ووصلتهم يوم ٢٦ اغسطس .
* بعد مارجعت كلمت الموقع انهم يرجعوا يشحنوها تاني على شركة غير ارامكس الحقيرة 😡😡 طبعاً كنت على تواصل مع الموقع طول الشهر اللي انحجزت فيه الدمية طفشتهم و انا اسأالهم و اقلهم مادخلوها لكن ساعدوني جداً جداً حتى لما رجعت شحنتها عرضوا انو يدفعوا نص مبلغ الشحن 😍.
* شحنت دميتي عن طريق DHL و طلبت من الموقع انو يلبس دميتي بالملابس اللي اشتريتها ووافقوا، انشحنت دميتي تاني عن طريق DHL و اخدت تقريباً اسبوع و وصلتني بسلام ولله الحمد يوم ١٩ سبتمبر 😆😍 صح كان في اضرار في وجه دميتي لكن الحمدلله مو مره واضحة 😍😍 .
و انتهت اول رحلة لطلب دمية بنفسي 😎
Edited in SEP 25th 2017
FRI 4:26 AM
By: Rannojhe
0 comments