السلام عليكم و رحمة الله وبركاته
اخيراً ولله الحمد قررت انشط المدونة بما اني ساحبة عليها و ح احط موضوع اس ام غلوبال شوب
نبدأ و نقول بسم الله...
اول خطوة طبعاً ندخل الموقع SM Global Shop << احلفي 😂😂
و نسوي حساب لينا في الموقع هو مو شرط تقدري تطلبي كضيفة بس اضمن انك تسجلي عشان رقم التتبع و تشوفي الطلب في حسابك
في عدة طرق انك تسجلي عندهم زي ما انتو شايفين في عن طريق قوقل، فيسبوك، تويتر، امازون ...إلخ.
انا سجلت عن طريق الايميل
بعد التسجيل حتجيكم رسالة تفعيل ع الايميل بعد ماتفعلو ايميلاتكم ترجعو للموقع
بعد ماتضغطي Checkout حتروحي للصفحة دي حتحطي عنوانك و رقمك في خانة الـ Shipping
و تختاري طريقة الشحن انا لما طلبت كان في شحن سريع عن طريق DHL و اخترتو لأن اللايت ستيك كانت متوفرة اما هنا طلب مسبق فما في غير طرييقة شحن وحدة
طرق الدفع في عندهم عن طريق : فيزا، ماستركارد، بايبال، ابل باي ، قوقل باي
خلاص حطيتي عنوانك و رقمك و اخترتي طريقة الدفع اللي ترتاحي بيها اكدي الدفع
بعد ما تأكدي الدفع حتجيكي رسالة ع الايميل بطلبك و معلوماتك
بعدين حيبدأو يجهزو طلبك للشحن انا اخد معايا ٧ ايام بالضبط عبال انشحنت و ارسلولي ع الايميل و رقم التتبع كان في حسابي في الموقع
للأسف ما اخدت صورة للتتبع لكن وصلتني في تلاته ايام بعد ماانشنحت كانت صدمة حياتي 😂😂😂 ابداً ما اتوقعت توصل بالسرعة دي و لأني كنت ابغاها توصل قبل سوبر شو جدة < للآن مااصدق اني حضرت 😭😭💙💙
المهم ماعلينا مني دي صورها اول ماوصلت طبعاً من الحماس مافكرت حتى اجيب الكاميرة 😂😂😂💙
الإصدار التاني تبع البلوتوث 😍💙
و الحلوة من جوا 😩😩💙💙💙💙
وو بس ان شاءالله استفدتو من الموضوع و تسوق ممتع و ترقبو موضوع مقارنة اللايت ستيك التقليد و الاصلية 😁💙
See You soon lovelies ..!
